août 18, 2022

24h Information

"Nashti uvek te slozina amen olencar, ponekad mora te ova protiv olende"

Je m’en fous, aghar da nikoj na shunela AMEN

Je m’en fous, aghar da nikoj na shunela AMEN.

Savo politicko stavi shaj te la ki akaja politicko kriza ki Severno Makedonija.

Pa nisavo, soske prvo mashkar amende na sijem shunde, a na pa te ocekujna o javera te shunen amaro ROMANO Glaso.

Soske isi amen but Kengurija, so rupinena tari partija ki partija, taro aktivisti ko aktivisti, siklile nekozom lafija pa stalno povtorinena len sa so cil te oven pendzarde, zamislinena pes sar o Mojse kova so phravga o More e Jaudijenge, sarinen kritikujnena, pa cak sto vishe em pes te dikhen ko ogledalo te na pendzaren pe ka kritikujnen odole so dikhena ko ogledalo.

Prvo dali halilem amen sar zaednica o Francusko predlog, bashi e Bugarijakoro thaj Makedonijakoro spor ?

Dali amare politicka partije thaj lengere liderija voopshto lele o francusko predlog te chitinen le thaj te objasninen le pumare simpatizerenge, ili pa ajde prastan palo amende soske o GADZE Vikinge amen ?

Savo stavi shaj laja ki akaja situacija, keda odvingen rasparcingen e zaednica bashi partiska interesija.

I churik tani oshtro, ako sijem protiv o predlog ka mrzinen amen taro SDSM, ako sijem bashi o predlog ka mrzinen amen o VMRO, sa akava sebepi so na organiziringe amen dzi akana o politicka partije, te ova politicko organizirime em te ovel amen amaro ja, soske ipak sijem negde 5% taro glasacko telo ko bilo save izborija.

Ako odbinaja sar zaednica te khuvel e Bugarijakoro malcinstvo ko ustav, adava i shukar ROMANI poraka dzi ki Bugarija, soske ola da e 800.00 Romen kola so zivinena ki Bugarija na chivge len ko Bugarijakoro ustav, ili pa dali sijem spremna sar Romani zaednica, dzi kote khuvena o Bugarija ko Makedonijakoro ustav te kera baro pretisok upra ki Bugarija pa ola da te chiven e Bugarsko Romen ko piro ustav ?

Sa shaj keraja keda ka la o naj kvalitetno Romano kadar tari celo Evropa te zojrara amari nacija, soske ki bilo savi kriza amen o Roma trebola te koristina i naj tikni dupka tari kriza ko interes e Romenge.

Ili pa Je m’en fous (bash mange gajle) sekoj ikerela pi partisko strana soske o thava tane ko gadze, pa ola orientirinena (marionetke) savi politika te sledina ?

Ka ostapina li tari komocija, te khuva ki Konfrontacija ?

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds