Aven ki godi, chivena e narodo ki zabluda !

Avdisutno teksti mangava te pisinav le e lafeja  » Aven ki godi, chivena e narodo ki zabluda »

Oja ki zabluda, soske ko posledno vreme sa o Politicka partije ili individualcija koristinena o lafi deka trebola te khedel pe i sila ko jek than te bi shaj pomestinena politicko pritisokoja o Romane problemija.

Jek vakerena a javer kerena, samo ko tumare statusija izjasninena i volja, samo ko tumare live koristinena o lafi jekhipe ko jek than, a palo adava sekoj terinena ko tumaro krajo sar avela tumenge.

Soj tani tumenge Politicko Partija ?

Kozom dzene sijen ko tumare Politicka Partije?

Rodaja o terno uchimo kadar, a o terno uchimo da kadar dzana skoro ki isto nasoka sar so geli dzi akana i Romani politika, a adava i ko individualno buti kheribe thaj ko rodibe em mangibe individualna titule.

Dali mislinena deka sar po edincija sijen zorale pregovaracija em isi tumen tezina ki Severno Makedonija bash TU korkori te kere nesto ?

Dali halilen deka o Roma halile so znacinela politika, deka samo obecinela pes lenge nesto a palo adava nane nesavi bari realizacija taro vetimo.

Ili na dzanena sar te hovaven ili pa tumare koaliciona partnerija hovavena tumen i tumen pale produzinena o isto narativ e zaednicaja.

Avdije o naj glavno faktori ki politika na sijen tumen sar po edincija, nego naj jako faktori tano o narodo kova so trebola te podrzinel tumen em ko bilo save izborija te glasinel tumenge ili bashi tumari koalicija.

Khedinga li nekoj dzi akana e zaednica?

Ili pa sekoj tumendar isi le po 20-30 dzene em zamislinean deka tumen vodinena i main stream politika e romengiri, adaleja so na sikavgen panda zrelost, na kerela pe politika preku tastatura ili preku i kancelarija, politika kerela pe e narodoja ko teren kote so ka probinen te keren sekole diveskoro pritisok dali ko lokalno, nacionalno ili institucionalno nivo te shaj adala Roma (GLASACIJA) te oven tumari sila.

Tu an sijan shukar me sijum po shukar, dzi kote sijan poshukar tu taro okova so nane tano shukar ?

O Albanikane partije tano oponentija, ama keda kerela pes lafi bashi etnicko interes tegani tane i najbari KOALICIJA pire zaednicake.

Keda ka oven zrela te reshinen akava problemi so sijen sarine svesna deka aghar na DZALA ?

andrijano

See author's posts