Ki Germanija ko kanali WDR ikerga pes jek Talk Show kote so sine misafirija jek lendar sine i Janine Kunze.
Ko Talk Show kerge pes razna teme kola jek lendar sine » O krajo taro zigeuner sause ( sosi kova so vikinela pes zigeuner ki germanija) dali tani potrebno etapa » i emisija sine kerdi ki germansko televizija WDR, o misafirija sine len moznost te glasinen zeleno ili lole kartoneja, ola sarine glasinge LOLE kartoneja.
Erati ko plo instagram i Janin Kunze pishinga em izvininga pes akale lafencar: « Nakhljum celo dive mislibaja te arakhav o pravilna lafija te vakerav bashi adava so vakergum le ki emisija em sar osetinena pes adala kola so povredingum len adaleja.Zal mange em odkrijngum deka na sijum soodvetno informirmi, mange ulo jasno deka hor povredingum em diskriminiringum manushen, osobeno e Romane zaednica mire nevnimatelno izjavencar em bi mangava iskreno te izvininav man olenge. Sar daj trine chavengiri, me osobeno trebola popazlivo koga kerela pe lafi bashi amaro predrasudno chibjakoro sistem, koleske sarine sijem odgovorna te pomozina ko oblikujbe………… Miri zelba tani te sikljova jek jekhestar em te podrzina amen jek jekheja em te arakha zaedno o cacutno drom »
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja