Intervju e Romencar tari Dijaspora Asim Demiri

O Intervjua produzinena ko Roma News avdije amaro Misafiri tano o Asim Demiri Rom tari Makedonija zivinela ki Svedska, Asimi Demiri tano Pretsedateli ki organizacija A.A.A thaj direktori ki Taxi firma « TAXI4YOU »

RN: Shukar dive dali shaj te prestavine tut amenge ?

AD: Shukar Dive me Sijum o Asim Demiri taro Goteborg.

RN: Kozom bersh sar zivineja ki Svedska?

AD: Me zivinava vec 15 bersh ki Svedska.

RN: Kova tano to mislibe bashi o Popis, i Dijaspora da shaj te popishinel pes, dali osetineja potreba te ucestvine ko Popis?

AD: Amen dikhaja but vazno o popis, ake amen amare organizacijaja keraja buti aktivno, te shaj o roma so zivinena ki svedska te vakeren pes roma em te oven delo taro akava popis.

RN: Sar dikheja o posledno popis, kote o roma iklile 2,66

AD: Amari Romani situacija tani zagrozimi dikhindor o brojke kola sine, nadinava man deka akava popis ka ovel bari pozitiva e romenge, soske ka sikava deka o Roma sijem ko realno baro broj, kote so ka ovel amen pobaro glaso ka roden sarine te sorabotinen amencar e Romencar.

RN: Tumen so mislinena ka ucestvinen li ko popis o Roma tari dijaspora?

AD: Amen aktivno informirinaja amaro krugo e Romen, vazno vreme alo te shaj te vakera amen deka sijem Roma, mora te dza anglal te cida o egoizam nego te dikha e zaednica

RN: Koga bi oveja ki MAkedonija, savo appel ka bichave ko Roma kola so na vakerena pes Roma?

AD: Me bichavava appel dzi ko sa o Roma kola na vakerena pes sar Roma, ako mangena te ikera amaro identiteti sar Roma te zojrara amaro identiteti te ova po zorale soske othe tano amaro avutnipe.

RN: Dali isi amen dar te vakera amen sar Roma?

AD: Oja em NA, na trebola te dara na trebola te ladza, trebola te ova gordo adaleja so sijem, ako dikhaja na palal ko bersha o Roma achilem palale, ama o vreme meninga pes adaleja so akana sijem ednakva em samo shukar slozno bukjaja shaj promeninaja amari Roma slika.

RN: Roma News

AD: Asim Demiri

andrijano

See author's posts