janvier 28, 2021

24h Information

“You cannot help the Roma without the Roma.”

Isi li e Politicko Lideren strategija bashi o Popis 21?

Sar so dikhaja deka amare Romane Politicka Partije em lengere Liderija, izgleda panda nane dzangavde palo o ne uspehno rezultati taro Parlamentarna izborija.

April tano predvidimo te ovel o Popis ki Severno Republika Makedonija, pa dali trebola ola sar politicka liderija te informirinen pire zaednica soj o popis so dobinaja so gubinaja.

Shaj pale ni ola na dzanena sar te keren strategija bashi o popis, nego sikle tane samo te keren licna pregovorija ko nesave izborija, te ikljon angla ko narodo te raskazinen hovajbe koleste ola korkori na verujnena.

Sigurno posle ka holjanen keda ka ikljon nesave NVO ( Proekteja) ka keren e narodoja buti, ka objasninen soj o popis so dobinaja olestar, o mediumija isto ka keren kampanje em ka oven po korisna nego o Politicka Liderija, pa posle ka shuna amenge lafija « Pa ola povrzime so nevladin sektor »

Pakhavalen Liderlaren dzanava shaj sarine sijen koncentririme bashi o Lokalna Izborija, kote so sarine ka mangen te vodinen i Sutka, ama ma bistren Roma dzivdinena ki celo teritorija tari Severno Makedonija, pa angla ko lokalna izborija isi o Popis dzan lake step by step ako mangena o narodo te verujnel ki tumende em te dikhen pumari idnina ko tumaro buti keribe.