février 28, 2021

24h Information

“You cannot help the Roma without the Roma.”

Intervju e Romencar tari Dijaspora Rami Raim

Roma News ko naredno periodi ka chivel ki videlina e Romen Tari Dijaspora, sar misafiri tano amenge o Rami Raim tari Svedska, cleni ki Organizaciaj GFC.

Rami Raim tano Makedonijakoro Rom kova so dzivdinela ki Svedska Geteborg.

RN: Rajo Raim dali shaj te vakeren amenge kozom vakti sar zivinena ki Svedska?

RR: Me aljum ko but tikne bersha ki Svedska te zivinav mire familijaja, iskreno pashe 46 bersh sar zivinava ki akaja drzava.

RN: Savo drzavljanstvo isi tumen?

RR: Man sijum binacionalno drzavljanstvoja, Makedonsko em Svedsko.

RN: A soske ikergen o Makedonsko drzavljanstvo keda vec i drzava kaj so zivinena denga tumen Svedsko Drzavljanstvo.

RR: O ikeribe taro duj drzavljanstvija mange ko jakha tano vazno, sar prvo na mangava te bistrav mi maticno phuv kolate so sijum bijamo adaja tani i Makedonija, a vo edno zablagodarinava man e drzavake kaj so dzivdinava so denga man piro drzavljanstvo, bajrargum miro licno istoricno identiteno barvalipe me shaj te vakerav man deka sijum manush po vishe kulturencar.

RN: Save kulture mislineja?

RR: Pa sar prvo drzavljani e Makedonijakoro isi man makedonsko kultura, palo adava isi man Svedsko kultura, ama mashkar akala duj kulture mi najbarvali em naj gordo so sijum adaja tani mi Romani Kultura.

RN: Soske ka ovel vazno akava popis e Romane zaednicake em ko jek e Dijasporake?

RR:Mislinava o popis so sine anglo 20bersh na sine amaro realno romano broj, pa nadinaja amen deka ko akava popis ka sikava o cacutno broj e romane zaednicakoro.

RN: A so mislineja bashi o Roma ki dijaspora so na vakerena pe Roma, savo delo ka khelen ko akava popis?

RR: Amaro iskustvo, keda tano elektronsko shaj ovela po lokheste te vakera amen so sijem, nadinava man deka ako isi asavke uslovija, ka bajrol o realno broj e Romengoro.

RN: Savi poraka ka bicgave ko Roma so zivinena ki Makedonija a na deklaririnena pes Roma?

RR: O Momenti tano sa amari zaednica te khedel pe ko jek than, adaleja mangava te vakerav deka amen o Roma keraja sa o chibja lafi, ama na sijum etnicko adale zaednicatar kaskiri chib so keraja lafi, amen sijem Roma em trebola te achova ROMA.

RN: Roma News

RR: Rami Rami