septembre 24, 2021

24h Information

"Nashti uvek te slozina amen olencar, ponekad mora te ova protiv olende"

Dali i Vlast isi la pamukija ko kana?

O Izborija nakhle panda taro 15to Juli 2020, ki izborno kampanja obecinge pes Planine,Brdija, poshukar dzivdipe ili pa poshuzi zastapenost e Romengiri ki Makedonija em edno opshtestvo za site.

O Aktuelno Premieri o rajo Zoran Zaev, licno pire lafencar vakerga le  » O roma valjani ki amari drzava te oven prikljucime ko sa o sistemija »

Oja ama save sistemija, muzikakere ?

Ajde ka kera jek tikni analiza kote te dikha so dobingem sar Roma taro SDSM em Koaliciona partnerija e isto partijaja:

O Maticna Clenija taro SDSM Ljatifa Sikovska uli Pratenicka, soj jek shuzi buti ko pocetok sine, no dikhindor deka slabo izvestinela amen e zaednica so buti kerela, panda na dikhlem la te vakerel piro stavi sar Romani pratenicka ko Sobranie adaleja sa so slucinela pes ki Severno Republika Makedonija.

Asan Ferat, kova isto aghar sine kandidati taro SDSM, kova so anga naj shuzo rezultati ki celo Makedonija pobeda upra ko VMRO ki amari opshtina, akanaske panda na dobinga nisavi pozicija peske ili pa nesave pire sorabotnikonge.

Shungem deka trebola te ovel amen romano drzavno sekretari ki Pravda, panda nane nishto adalestar, o Roma Direktoriati kova i potrebno amare zaednicake panda na dikhlem deka isi ko predvid te formirinel pes em te del pes e Romenge. Dali adava tani i taktika tari partija SDSM te ikerel po pashe pire clenen uzi peste em ko neizvesnost e lafeja  » ka dav tut ka dav tut, as nane akana o momenti » kote so ola vrtinena amare politicko lideren te shaj achona ki partija nadaja deka ka dobinen adava o vetimo ili pa ka dobinen nesto javer ko naredno periodi.

Samka Ibraimovski sar koaliciono partneri dobinga funkcija ko javno pretprijatije kova tano Makedonija Pat sar VD Direktori, kova so nane nisavi vrska politikaja sar romani partija koja so shaj primer te kerel pritisok bashi nesave politicka prasanja ki Makedonija.

Aksel Ahmedovski dobinga pozicija kova so ov licno priznajnga, deka adale pozicija na dikhela sar shaj te pomozinel e Romane zaednica ki SRM. Sovetniko bashi reshibe pravnapuchiba thaj postapke.

Nezdet Mustafa sar koalcioni partneri pire partijaja OPER, isto aghar panda na shungem te dobinel nesavi pozicija ili funkcija, adaleja so ni na dzanaja so sine dogovorimo sar koaliciono partneri.

Pisinela pes sa akava, na deka tumen sar zaednica na dzanena le, nego amen sar Medium mangaja te potsetina amare Lideren deka Glasinge tumenge i zaednica sar iranena lake tumen ?

Keren pritisok upra ko tumaro koaliciono partneri, posto ola i ko vlast ola, tumen sijen sine lenge garancija ki romani zaednica tumaro sebepi glasinge olenge, shaj dena funkcije em shaj lena, ili panda ka kjutina  » Ma te holjanel o Baro, o Gadzo »

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds