février 28, 2021

24h Information

“You cannot help the Roma without the Roma.”

Intervju e Romencar tari Dijaspora Admir Ismanovski

Roma News sekova dive chivela ki videlina e Romen tari dijaspora kola so mangena te pridonesinen pire zaednicake. Avdisutno misafiri amenge o Admir Ismanovski Roma taro Kumanovo a dzivdinela ki Danska. O Admir Ismanovski zivinela ki Danska vec 28 bersh thaj kerela buti sar Profesori em isi le zavrshimo Anti Diskiminacijakiri Shkola.

RN: Shukar dive Admir, ov sasto so sijan amenge misafiri

AI: Shukar dive tumenge da em sa okolenge so ka citinen.

RN: Kozom vreme zivineja ki Danska em ko kova gradi zivineja ?

AI: Me zivinava vec 28 bersh ki Danska em zivinava ko glavno gradio ko Kopenhagen.

RN: Admir dzanaja deka sijan tuda jek baro Romano aktivisti, sijan li zadovolno tari politika so vodinela pes ki Makedonija ?

AI: O zadovolstvo preperela okolenge kola so mucinena pes te anen pridones e Romenge, amen tari dijaspora dukhala amen amare zaednicake, mora iskreno te vakerav deka isi amen but buti te kera ki Romani politika thaj ki zaednica.

RN: Mislineja li deka o Roma tari dijaspora shaj pridonesinena e zaednicake ki Makedonija ?

AI: Na dali shaj, nego amen vec pomozinaja e zaednica sar dijaspora, dali ko ucestvo ko dijalog thaj debate, dali ko financiska akcije ili bilo sar, OJA i dijaspora tani vazno amare zaednicake.

RN: Kozom Romane familije isi ki Danska ko Kopenhagen?

AI: Iskreno ako keraja tari makedonija isi amen neged 200 Romane familije so zivinena ko Kopenhagen.

RN: Sar dikheja tu i vaznost taro akava popis ?

AI: Uvek i bitnio, ma te nashava amaro minoriteti sar Roma, ako sikava amen sar Roma ka uspejna povise te shaj resaja ko amare cel soj tane sar Roma.

RN: Zadovolno li sijan taro Romane politicka partije so kerena buti upra ko Popis ?

AI: Pharo prasanje akava, shaj kerge a shaj pa na dzanena sar te keren poshto nane tane dovolno spremna te spravinen pes asavke temencar, trebola amen povise aktivna slozna liderija sar edinke nashti resena te keren nesto efikasno.

RN: Ko posledno popis so ikerga pes ki Makedonija o broj taro Roma sine 2,66%, dali tuke adaja realno brojka ?

AI: Keda dikhaja ki Makedonija e Romen taro sa o gradija o numero so pengan tano hari, amaro nataliteti tano baro znaci ko psoledna 20 bersh sigurno sijum deka barilo o Romano broj, a ma te bistra adala da kola soj tane pod pritisok te na vakeren pes sar Roma, mora te vakera lenge deka ola da tane Roma.

RN: Save lafencar bi motivirineja e Romen kola so na vakerena pes deka i Roma ?

AI: O patriotizam i Romani svest o agor amaro romane ka zavrshinel ka ova gazime, ako na ikljovaja te ova jekhutno te zojrara amari zaednica, amari duznost tani te sikava amen deka keraja jekhipe mashkar ko Roma.

RN: Sar ka Motivirine e Romen ki dijaspora te ucestvinen ko Popis?

AI: Sa soj dzi mande sar Admiri, ka kerav lafi sarinencar mire familijaja, amalencar em sa e Romencar te koristina akaja prilika te sikava amen, Romalen ki akaja dujnaja samo o Kham tano pophuro amendar taro Roma, amen sijem jek tari naj purane nacije ROMA.

RN: Roma News

AI: Admir Ismanovski