Hakerska napadija upra ko Roma News Portali

O Romano Online Media thaj Portali Roma News, ne kozom dive tano ko obid taro hakerska napadija sar so sikavela i zastitno aplikacija e web stranakiri www.roma-news.com

O Haljovibe deka isi manushen namera te nashtetinen e portaleske tani jasno, adaleja so o Roma News kerga piro than mashkar ki Romani zaednica thaj ki na Romani zaednica pire uspeshno buti keribaja, dejbaja informacije kola soj tane ko korist e zaednicake, sar so naglasinaja amen, amen sijem o Medium e zaednicakoro em samo ko korist e zaednicake, ponikako nane amen interes te favoritizirina nesave politicko partija, nevladino organizacija ili pa poo edincon.

Roma News tano terno medium kova ko 2023 bersh ka pherel 3 bersh taro piro buti keribe, akale vremeske taro piro formiribe ulo o naj dikhlo thaj naj chitimo Romano Medium kova gejnela upreder 24k Followerija thaj upreder 14k like ki amari fb stranica Romanewsparis.

O obidija bashi hakiribe shaj avena e manushendar kaske so smetinela o objektivno thaj realno buti keribe amare mediumeskoro ili pa manushendar kola nashti doresena adava so doresla o Roma News pire buti keribaja thaj pire doverbaja ki Zaednica.

Ake ko kola datumija probinge te khuven ki amari platforma:

ko 04.08.2022 sine 28 obidija

ko 05.08.2022 sine 23 obidija

ko 06.08.2022 sine 9 obidija

ko 07.08.2022 sine 10 obidija

ko 08.08.2022 sine 4 obidija

ko 09.08.2022 sine 4 obidjja

ko 10.08.2022 sine 11 obidija

Dikhindor akale brojke sigurno na kerela pe lafi bashi nesavo BOOT (Programersko napad), nego kerela pe lafi bashi manusha po edincija kola so avanturinena pes te khuven ko amaro sistem thaj te brishinen amare artiklija ili amare uspeshna statistike.

Roma News porakaja dzi ko adala kola so mangena te khuven ko amaro sistem, osven so ka nervirinen tumen em ka nashaven tumare vreme, nashti nishto javer kerena, soske amaro portali tano zastitimo taro naj sigurna zastituvacka norme so postojnena ko web.

andrijano

See author's posts