janvier 21, 2022

24h Information

"Nashti uvek te slozina amen olencar, ponekad mora te ova protiv olende"

Demir taro Delcevo – Savi dusha isi len ?

Demir Sadulovsski palo 20 bershengiri borba ko bolnicakere lavirintija nashavga pire romnja, achilo korkori ko cedilo bizo nisavo prihod.

I familija Sadulovski celo piro dzivdipe nakhavge le ko delcevsko Trabotivshte. Ko 2009 leskere romnjake (Gana) sine lake dijagnoticirimo rako ko zeludniko.

Leskiri romni ako sine ki postela paslji em zivinela sine pe posledna dive, sepak dobinela negativna reshenie bashi nadomestok bashi arka thaj nega taro javer manush.

« Zamislinen jekhe nasvale pacienteske te lel pes lestar o edinstveno prihod taro 4,200 denarija, te na ovel tut te kine tuke medikamentija, te na ovel tut jekhe sokoske, bashi nisto. Savi dusha isi len olen ?. Nasvale manushestar te le lestar i edinstveno volja, te mukhe le te mangel peske bashi te kinel o medikamentija, lake treboal sine posebno tretmani em hrana. Trebola lake sine pojacimi hrana, te ovel la sokija thud, ama me so shaj kerava so shaj pruzinava lake mire penzijaja taro 10.000 denarija « 

I istorija e Demireskiri sikavela amenge, deka skoro nevozmozno tano te dobine termini em uslugje ko specijalistija ko zdrastvena ustanove koal soj tane ko but tikno nivo.

Sar korisniko taro socijalno pomosh a akana sar penzioneri uvek sine uza ki pi romni, kova so phenela deka ni ov ni leskiri romni na zasluzinge asavko nesto, te oven lendar odbime i paricno pomosh.

« Neka mislinen peske so kerena, me zaduzingjum man, dzanava deka nanee te iranav me romnja, ama o pharipe em i dukh achona ki mande em nikaske na mangava te slucinel pes adava so slucinga pes mange. Mange na sine vazno i nega, mange sine vazno mi romni. Sijum sine gordo sine man drushtvo amala, akana nane man nishto em sijum nashavdo »

Vakerga o Ddemiri asvencar…..

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds