Dikhindor o Palune bersha sar dzala o Romano Liderstvo ki Makedonija mashkar ko Roma, shaj samo te konstantirina deka i Lidersko Politicko pozicija nesar vrtinela pe ko krugo, adaleja so dzi akana osven o licno uspeh (Familijarno, partisko) javer na dikhlem.
Keda ka puce jekhe Lidere so rezultatija dzi akana anga e Romane Zaednicake, tegani pocminena o paramisja- me kergum akava me kergum okova, me angum akava me angum okova, pa dobro te puca amen e zaednica korole li sijem ? Amen nisto na dikhlem ko nisavo nivo nesto te promeninel pe, A izvini dikhlem tumaro familijarno promenibe, o Khera o vrdija tumare biznisija , firme, restorantija, dukane etc.
No mora te vakera jek vazno buti, i Romani zaednica ikavga o perde pire jakhendar ama akana dikhena but cisto anglo peste, soske haljona poshukar i politika thaj na darana vishe taro Kaubojska liderstvo kote so intimdacijencar phandena sine o muj em o jakha e romengere.
Dikhaja deka o apetiti baro ko amare liderija, dikhaja sar odvinena pes em spojnena pes (Koalicije), dikhaja deka ko sekola izborija ka han pe mashkar peste, soske i zaednica nane lenge ko prvo than, nego ko prvo than tane lenge o licna thaj partiska interesija a bistrena deka i zaednica glasinela olenge.
Dali i romani zaednica tani spremno te kerel neve Liderija kola so cace ka keren e Romane zaednicake buti, kola so ka pridonesinen but povishe, na primer te ciden po apetiti o Liderija so na kerge 30 bershenge o neve liderija te ostvarinen le samo jekhe decenijake (10e bershenge).
Dikhindor o neve likija so pridonesinena e zaednicake, mislinava deka shaj soske isi intelektuali isi volja bashi samo organiziribe e zaednica thaj isi volja te anen pe rezultatija bashi ednakvo dzivdipe e romengoro.
O aktuelna politicka partije bi trebola te keren fuzija mashkar peste em te keren jek bari reforma ko pumare partije, kote so ka dozvolinen o terne liderija te keren jek update ki romani politika te nakha ki nevi verzija 2.0, sar so updatirinena pe sa o Smartphonija kola so koristinaja len ko sekova dive.
Achola te dikha dali i zaednica tani spremno te kera UPDATE ?
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja