septembre 28, 2022

24h Information

"Nashti uvek te slozina amen olencar, ponekad mora te ova protiv olende"

Bilan, Rezultatija ili pa samo Stolica ?

Povishe taro 1 bersh tane ko pozicije, Ljatifa Sikovska Pratenicka ko Sobranie tari RSM, Muhamed Toci Drzavno Sekretari ki Pravda thaj Elvis Memeti Sovetniko ko Kabineti e Premiereske bashi Romani inkluzija;

Nesto mrdinga ko istitucionalno nivo lendar e Romane Zaednicake, ama na but, soske panda na dikhlem len cache preku piri pozicija te ikljon em kriticno te den piro stavi bashi o achovibe palal em o na reshibe e Romane problematikakoro.

1 baro problemi so o 3 funkcionerija shaj te keren vlijanie adava tano o manusha bizo dokumentija ili pa aghar anavkerde « Fantomija » na shungem javno stavi ni ko Sobranie, ni ko ministerstvo bashi pravda a ni pa sar sovet dzi ko Premieri sar te reshinel pes akava problemi.

Mangaja sar zaednica te dza anglal, ama izgleda na dzanaja sar te kera adava ili pa te chiva amenge prioritetija, akala manusha isto aghar denge strategija dzi ki vlada bashi Romanni inkluzija, ama dali trebola samo te da strategija a palo adava te na kera nisavo pritisok te shaj adaja strategija implementirinela pes ?

Kaj amari pravicno zastapenost ?

Kaj amari institucionalno zastapenost ?

kaj, kaj, kaj, kaj ?

Ili nane len jako vlijanie chivde samo ko akala pozicije sar slika bashi etnickko zastapenost, ili pa nane len takati te len o bukja ko vas em nesto bare te reshinen tari Romani problematika?

Phravdo mukhava o puchibe dzi lende « Bilan,Rezultatija ili pa samo Stolica »?

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds