Tefik Mahmut ko posledno vakti preku pire Fb statusija thaj nastapija ko gadzikane medije ( Roma News pokaninga le povishe puti, ama bizo nisavo odgovor tari leskiri strana) sikavela aktivitetija kola soj tane phanle e Romanizmeja, ko razna posledna slucuvanja o Tefik Mahmut kerga reakcije, ama reakcija sar solo igraci bizo te ovel nesave romane organizacijaja i politickko partijaja. Dali adava znacinela deka o Tefik Mahmut kerela solo kariera kote so mangela te spreminel o teren bashi o naredno Romano Lideri.
Mora te vakera deka solo kariera bizo narodo na gradinela pes, trebola prvo te sikava amare Romenge so mangaja em so shaj keraja, pa posle te sikava amen e gadzenge koj em so sijem, mada adava i da shukar te dikhen o gadze deka isi amen ucho kadar ko Roma, ama prioriteti tahno prvo i zaednica pa posle o javera, soske ako i zaednica verujnela upra amende deka shaj po lokheste te kera e zaednicake ko anav buti.
Ako tano o slucaj sar naredno Romano Lideri amen bi mangaja te dikha em te shuna le koja tani leskiri vizija ko naredna bersha, Kandidati bashi Gradonacalniko ki Opshtina Shuto Orizari ? Direktori ki nesavi institucija (dali beshela nesavi politicko partija pali leste) ? Ambasadori?
Amenge potrebno terne thaj visoko obrazovime chave kola so ka len o Romanizam agendaja ko vasta, ama jek sovet trebola komunikacija e zaednicaja em ake javno pokaninaja e Tefik Mahmute te ovel amenge misafiri ko Roma News ko jek tikno lafi muhabeti.
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja