Spreminaja amen o 8to April te slavina, sar sumnaleskoro dive e Romengoro ili pa taro prvo ikerdo kongres ko 1971 bersh.
Adava dive tano pamtibaske soske adala manusha kola so ucestvinge ko prvo Romano Kongresi kova so ikerga pes taro 7to dzi ko 12to April 1971 ko Orpington pashe uza ko London ki Bari Britanija, kerge jek baro cekori amare narodoske kova so angli adaja data o Roma sine vikime razno ponizuvacko anavencar, ando tano isto aghar i Himna, Bajrako thaj o anav ROMA.
Ama taro adava datum ili adava famozno 1971 bersh, so unapredinga e romenge ko sumnal, ki koja drzava o Roma dobinge povise pravija ili ednakvost adale nacijaja ki savi phuv so zivinena? Amen adava dive slavinaja le samo mashkar amende soske amenge tano jek vazno dive amare istorijake, kulturake thaj tradicijake.
Panda molinaja e Drzaven, Opshtinen thaj Politicko Lideren te den amen vaznost akale diveske, amen na trebola asavke dive te dikha len sar uspeshna akale generacijenge, soske adava so kerge o pophure nazalost amen sar idno generacija na dengem amen zori te bajrara adava ola so kerge pa te dikha ko nakhlo ekvas Veko so podobringa pes e Romenge, panda sijem iskljucime taro sistemija e drzavenge kote so amari pravicno zastapenost nane pocitujmi, panda isi diskriminacija upra ko Roma ko 99% taro drzave kaj so zivinena o Roma. Keda shunena o anav ROM darana amendar ili dikhena amen sar but po tele olendar, soske ? Soske na sijem Organizirime ? Soske nane amen nacionalno svest ? Soske na sijem gorda so sijem Roma ? Panda but puchiba shaj te pucha amen, amaro dive neka ovel amenge ko sekavanje sar jek dive kote so o po phure ange nesto amenge, a amen trebola adava te prenesina le em te koristina le sar odbrana keda nekoj mudarela amen sistemsko, nashti ovaja zadovolna taro adala prashine so dena amen o drzave samo te phanden amare jakha dzi kote trebovaja olenge izborenge, trebola te ova faktorija za da te chiva amare zaednica anglal, a na te chiva amare poedinicna benefitija.
Iskreno gordo sijum sijum taro 8to April ama, na sijum Radosno keda dikhava so slucinela pes amare Romencar ko Sumnal.
Bahtalo Amenge mashkar amende amaro dive e Romengoro o 8to April.
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja