février 28, 2021

24h Information

“You cannot help the Roma without the Roma.”

Samo bla,bla,bla bizo konkretna predlogija

O Martin Luther King vakerga  » I have a dream » em celo zaednica beshla pala adava suno.

O Romane akterija vakerena te kheda amen zaedno, ama ola da na dzanena sar ili pa na mangena, taro razlicna pricine kolendar so darana.

90% taro aktuelna Liderija politicka, vladina em nevladina, dzanena pumare bukja jek jekhestar pa darana ma te tharen pes mashkar peste o dzi akana kerde manipulacije ko lengoro buti keribe so anga len dzi ko akava licno uspeh.

Vakerena trebola pare te zojrara i zaednica oja adava i tocno, ama sine tumen pare taro razna strane kerde tane X broj proektija, pa na dikhaja nisave rezultatija taro adala lende pare kola so sine namenime te anen poshukaripe e zaednicake.

Nevi zaednica na trebola te bijankera trebola i aktuelno zaednica te zojrara em te da len doverba ki amende, dikhindor e bute bershengere hovajbija em o poedinacna uspehija i zaednica nashavga piri doverba upro o Liderija Aktivistija thaj nevladina organizacije.

Ako dikhaja deka aktuelno na sijem zorale nigde ni Politicko samo 1 pratenicka koja so na shunaja but o glaso lakoro, ni terensko poshto aktivna o politicka partije tane samo izborenge, o nevladin sektor kerela buti prema pire porgrame kola so isi len ko proektija.

Adaleske vakti tano te cida o ego ki strana te sikavel pes e zaednicake deka isi jako volja prvo taro adala manusha kola so unazadinge amen akala 30 bersh, rekonstrukcija ki celo romani politicko scena, o ngo sektor po aktivno thaj po pashe ko teren am koordinirimi buti te keren e javere akterencar ko teren.

Ko popis sekoj kerela peske buti za da te shaj te khedel popularnost peske, korisno ili ne korisno, pa palo adava ka aven o lokalna izborija pale ka napadinen pes jek jekheja.

Trebola bashi sekoja buti te ovel nacionalno romani strategija kerdi em sprovedimi taro roma.

Pa dzi tegani te dikha so ka ovel, ili ka tharen pes mashkar peste bashi o zloupotrebe ili pa tari dar ka povlecinen pes ili jek jekheja ka phanden pumaro muj e lafeja  » Pazin isi man akava tutar, pa ma te shtetinav tuke »