Roma News Intervju Dimitar Apasiev tari politikani partija LEVICA

I redakcija taro Roma news kerga pismeno intervju e Rajoja Dimitar Apasiev o lideri tari politikani partija LEVICA

AD: Andrijano Dzeladin DA: Dimitar Apasiev

AD: Rajo Apasiev, oven saste so prifatingen o intervju te den bashi amaro Portali Roma News, sar prvo puchibe dzi tumende, sar tumen oceninena i aktuelno politicko situacija ki Makedonija ?

DA: Isi amen totalno nesposobnost ko sa o sektorija thaj o izvestaija dokazinena le adava. Zabelezimo tano pad ko indeks bashi korupcija, proglasime sijem sar hibridirimo rezim, o javno borci bajrola, BDP produzinela te belezinel negativno bajrobe etc… Ednostavno vakerdo i momentalno situacija tani katastrofalno. So povishe trebola te vakerav adalestar deka i vlada em i partija koja soj ko vlast pobaro trudo posvetinge te spasinen o T.C Global, o trgovsko centar koleske o momentalno premieri sine osudimo pa abolicirimo, odkolku so posvetinga pes ki borba protiv i pandemija em i ekonomsko kriza.

AD: Samo duje pratenikoncar ko zakonodavno kher kergen seriozno cekori ko parlamentarna debate thaj podnesibe amandmanija, dali adaja tani tumari strategija te predizvikinen e parlamente ili cace mangena promene?

DA: Mangaja promene ko nacin koleste anena pes o politike ki drzava kerela nevozmozno adala promene te ostvarinen pes ko zakonodavno kher. Ko momenti o cachutne debate kerena pes palo phanle udara, partiska liderija dogovorinena pheribe taro tesnopartiska interesija. Odsustvo taro cachutni debata razmenaja argumentija thaj faktija amen primoringa amen i debata te vodina la ko javno diskurs.

AD: Tumari partija kerga napredok ko akala izborija ama pale tvrdinena deka o bare politicka partije corena glasija, spored tumende, dali mislinena deka o bare partije isto aghar corena glasija taro Roma sar tumen adava osudinena le?

DA: Sekako deka osudinaja le ama, povishe osudinaja o uslovija kova so akava ovozmozinela le. Angleder sa i ekonomsko polozba e Romane zaednicakiri mislinava deka kerela la osobeno podlozno ko prisocija. Palo adava o partizirime institucije em adava sar isi len vlijanie ko izborna rezultatija. Bash adaleske jek taro amare programska zalozbe tane rekonstrukcija em radikalno hor strukturno reforma e javno sektoreske.

AD: Tumari partija spored tumari programa podrzinena i Republika Makedonija ki vkljucibe ki Evropakiri Unija, ama em na ko NATO. Soske i Levica na mangela i drzava te ovel delo taro NATO dzanindor deka sijem drzava koja isi la istorija taro konfliktija?

DA: Angleder sa NATO namesto relikt achili desno vas e zapadno imperalizameske. Sledno tano o fakti deka e korkori zaclenuvanje tano nepocitibe i ustavno procedura ko khujbe ko vojno « sojuz » javere drzavencar, sar em o nepocitujbe i volja e narodoskiri izrazimi ko referendum ko 2018 bersh. Koga tane ko puchibe o konfliktija NATO nane le ingerencije bashi reshibe andrune konfliktija. Konfliktija avrune neprijateleja tane mozna ama, NATO povishe bi ka doprininel ko te ova bucime ko konflikt kolestar bi ola zashtitinena amen. Isto aghar na trebola te bistra deka o partizanija em o uchesnikija ki NOB( Narodno Osloboditelno Borba) kola so ko nesavo nacin tane o stubija i makedonsko drzavnost boringe pe bash protiv o politike kola so prestavinela len avdije o NATO.

AD: Pendzarindor tumari ideologija, Soske o George Soros tane neprijateli tumare partijake em e drzavake?

DA: NA kerela lafi bashi o George Soros sar licnost. Amen sar partija laja stavi bashi sankcioniribe e shiribaske politicka propagande platime stransko parencar, a sprovedime presku kherutne « Tink-tenkovi » thaj nevladina organizacije.

AD: Soske o enticko pristap ko politike bashi unapredibe o status e Romengoro nane delo tari tumari programa, koga i LEVICA bi pobedinela ko parlamentarna izborija, sar ka dikhel o Romano puchibe?

DA: Etnicko reshinela pes sine o albansko puchibe, o rezultati tano ocigledno o bukjarno naoro taro albansko etnicko poteklo achilo chorolo i albansko elita uli panda po barvali thaj po zorali. Etnicko pristap nane samo so na reshinela o sushtestvena problemija nego kerela forma na opresija. Amen sijem klasno orientirimi partija. Akatar o problemija Romeskere kova so zivinela ko geto thaj problemija pr. e Elvis Bajramesle amen racuninaja len sar delo taro isto « puchibe ». Amaro fokus tano i ekonomsko emancipacija ki forma te obezbedinel pes postojano than dzivdipaske, struja, pani, vrabotuvanje em slicno sar konkretna cekorija ko reshibe e socijalno puchibnenge ki drzava.

AD: Spored tumende, dali trebola o popis te ikerel pes, em dali o popis tano politizirimo samo taro duj zaednice (MAkedoncija thaj Chibane) ili cache tano vazno te iskazinen pes o javera da zaednice?

DA: O momentalno koncept na smijnela te nakhel. Nane nisavo logika Makedonija te kerel statisticko operacija kaskiri cel tano khedibe pogreshna podatkija. Sa dzi kote postojnena agrasivno razedinuvacka zakonija sar soj tano o Ramkoven, nevozmozno tano o proces popishibaskoro e naselenieskoro te na ovel ispolitizirimo.

AD: Koja tani tumari pozicija bashi i nevi kerdi inerpartisko parlamentarno grupa bashi o Romane pravija? dali o Roma preku asavki grupa trebola te roden pire pravija ili pa o Roma tane ramnopravna gragjanija e drzavakere pa trebola te sledinel lenge da adava so sledinela e javerenge?

DA: Pale ka povtorinav, amen sijem klasno orientirimi partija. I podelba palo etnikum kosela o obedinuvacka faktorija kola so sarinen mucinena amen sar primer deka « adava so sledujnela javerenge » ednostavno nane dovolno te prezivinel pes.

AD: I Republika Srbija dostavinga negde 5000 vakcine, so mislinena taro akava gesti? Dali i vlada tani nesposobno korkori te nabavinel vaksine?

DA: I vlada sikavga apsolutno nesposobnost, Panda po zagrizuvacko taro nesposobnost tano o fakti deka piro peribe ko kocaka anglo zapadno imperijalizam chivela anglo o shukaripe pire narodoskoro. Dzi kote i Srbija aplicirinela sine ko sa o proizvoditelija, amari drzava te sikavel « vernost » e zapadeske rodela sine vakcine samo taro zapadna proizvoditelija. Akava sikavga pes sar katastorfalno greshka kolake celo drzava platinela.

AD: Dali ko naredna izborija lokalna ili parlamentarna bi koalcirinena nesave Romane partijaja?

DA: Koalicije na keraja taro principelna pricine ama, sekako deka sijem phravde bashi sorabotka. Mislinaja deka sekoja partija trebola samostojno te prestavinel pi sostpveno programa. E akana ako isi Romane organizacije kola so arakhena pes ki adaja programa dobrodojdena tane te oven delo taro amare liste. Verujnava deka aghar po lokheste ka doresa amare zaednicka celija. Zaedno sijem po silna.

AD: Ako i Levica kerela Vlada, save pozicije bi doverinena e Romenge?

DA: Jek taro amare programska zalozbe tano o chinavibe e principeskoro tari pozitivno diskriminacija pali etnicko kljuco em vovedime aghar vakerde socijalno pozitivno diskriminacija ko vrabotuvanje ko javno sektori. Bashi pozicije mislinava deka najshukar o kandidatija te oven vrednujme pali piri strucnost ko pole em pridruzibe e principenge kolenge so angazirinaja amen.