O Romane Sezone, ko Romanipe

Dzanaja ko klimatsko dikhibe isi amen 4 sezone, nilaj, esen, evend thaj prolet ama akala tane klimatska sezone;

Amende ko Roma isi amen isto aghar 4 sezone :

1. Politicko Sezona

• Oja Politicko Sezona keda o Roma thaj o liderija tane samo aktivna keda isi len potreba taro Romane glasija tegani amende ko Roma bijangolja i Politicko sezona kote so ustaja, haja, pijaja, sovaja bashi politika ili pa tegani sijem politicko aktivna dok na resena odredena manusha ki piri cel.

2. Religiozno Sezona

• Religiozno sezona isto aghar dikhaja deka but cesto slucinela pes amende, sar primer tano o Masek Ramadan kote so baro numero taro Roma koristinena akaja sezona te oven religiozno aktivna razno bukjencar, Postibaja, iftarencar, namazencar, dersencar sa dzi kote na nakhela o Bajrami pa palo adava dive sigate nakhela i religiozno sezona ko Roma.

3. Sentimentalno Sezona

• Sentimentalno sezona tani amende ko Roma, keda dikhaja nesavi ne pravda ko socijalna mreze, maltretiribe, nepravda ili javera slucke so shaj samo preku tastatura ili like te reagirina, tegani sijem sezonsko aktivna nekozom dive bizo te ana odluka te kera nesavi zaednicko akcija te shaj chinavaja asavke bukja kola so dikhaja len thaj kerena amen sentimentalna, kola so amaro sentimentalnost trebola te iranel le ko nacionalnost thaj jekhipe amare zaednicake, ama asavko nesto panda na dikhlem ki akaja sezona soske shaj panda na sijem spremna bashi neshto asavko ili pa daraja te reagirina ma te ovel amen problemija e (komshijaja).

4. Humanitarno Sezona

• But puti dikhlem deka o Roma mangaja te ova Humana ko nesave akcije keda nekaske tano potrebno financisko pomosh, e akana o puchibe ki akaja sezona tano: « Dali sijem Humana ili preku adava gesti mangaja te ova popularno poznata? » Ajde shaj greshinava, no asavke da sezone shaj pretvorinena pes ko trajna sistemeskere reshenija soske isi jek pendzardo lafi kova so phenela 3sekole probleme isi le solucija, ako nane solucija onda nane ni problemi ».

Palo pishibe taro akala 4 Sezone alo mange ki godi hari te puchav mire profesore « Google » o poznato kompozitori so pishinga o 4 Sezone o Vivaldi dali sine ROM ?

About Author

andrijano

See author's posts