O Prvo Vice Premieri thaj ministeri bashi politicko sistem, Artan Grubi,avdije soopshtinga deka 1349 administrativna sluzbenikija, vrabotime palo Ohridsko ramkoven dogovor, ka oven raspredelime ko 237 institucija, organija e drzavano thaj lokalno samoupravake.
Spored o Grubi, e administrativno sluzbenikonge, kola ko roko taro 7 dive nane te aven thaj te vazden pire neve bukjakere reshenija, o Ministerstvo bashi politicko sistem ka chinavel lengere dogovorija bashi buti keribe em ka prenesinel len ki transfer lista.
« Transfert Lista tani ko Ministerstvo bashi informaticko opshtestvo thaj administracija, kote so o izbor nane lengoro, odnosno taro institucije so isi len cuco than othe te nudinel pe lenge than. Ako odbinena adala ponudime thana chinavela pe lendar e bukakoro dogovor. Nane len vise pravo te prebirinen ili te roden javer bukjakoro than, akaja tani i edinstveno opcija » vakerga o Grubi ki press konferencija.
E akana te puca amen kozom taro akala 1349 administrativna sluzbenikija tane roma ? Posto kerela pe lafi taro vrabotuvanje kova soj spored o Ohridsko ramkoven dogovor em bi trebola 2.66% te oven Roma.
More Stories
O teren taro FK Napredok ko proces tari privatizacija?
Pale ka phravel pe i Ginekoloshko ambulanta ki Komuna Shuto Orizari
Figure ki figurativno politika, isi li shizofrenija?