O Egipkjanija khedinge pes ko jek than

O Egipkjanija tane podgotvime te adzikeren o Popis e dizutnengoro em te oven pozitivno faktor ko leskoro uspeshno realiziribe. Erati ko Ohrid ikerge sostanok kote jekhe glasoja ange odluka ko popis kova trebola te odrzinel pes ko april, te pishinen pes ki etnicko grafa sar Egipkjanija.

O Gragjansko sektor tari zaednica e Egipjkanengiri pridruzime taro politicka gragjanska aktivnostija, erati ko Ohrid khedinge pes ki cel te sprovedinel pes uspeshno popis e dizutnengoro em te dobinen realno brojkae dizutnengere. Formiringa pes kordinativno odbor ki cel te bajrol o odziv em te astarel pes celo naselenie tari Egipkjansko zaednica vakerga o Profesori Dr. Rubin Zemon.

O Egipkjanija ko akava sostanok konecno khedingem amen ko jek kordinativno telo. Mukle tane ki strana sa amare razlike dali licna ili tari politicko priroda, Makedonija kerela popis, a ki leste najvazno tano deka sijem Egipkjanija em nishto javer, vakerga o Besim Demirov sovetniko ko sovet ko gradi Ohrid.

Amen sar Egipkjanijakola vekoncar sijem delo taro akava opshtestvo svesna sijem deka mora te popishina amen em te sikava deka postojnaja sar posebno etnicko zaednica, o sveto mesninela pes, meninaja amen amenda o neve generacije Egipkjanija kola keraja sa te shaj ukljucinaja amen ko opshtestvo. Egipkjanija tane Egipkjanija aghar da ka izjasnina amen ko popis, politicka pritisokija nane te oven soske tane zaludna, « Amen dzanaja koj sijem em so sijem » vakerga o Orhan Demirovski.

Inace ko sostanok sine khedime prisutna Zdruzenie egipkjani « Piramida Zem » prestavime taro presedateli Arben Demirovski, Zdruzenie « Ptah » tari Struga prestavimo taro Toni Bicak, Zdruzenie « Inkluzija » taro Resen Prestavimo taro Vahid Memed, Zdruzenije taro balkanska egipkjanija ki Makedonija Adnan Ashimoski, Prestavnikija taro Studentija sine Orhan Demirovski thaj Almir Cani em panda but javera.

andrijano

See author's posts