O clenija taro rabotna grupe kola predvodinena o pregovorija e VMRO-DPMN-eja bashi formiribe parlamentarno mnozinstvo tane vishe nominirime, Soopshtinga o lideri taro Demokratsko dvizenje Izet Medziti.
– Nominirime tane o clenija taro sa o politicka subjektija ko sklop taro « VLEN ». Ki rabotno grupa taro Demokratsko dvizenje tano o Visar Ganiu, tari Alijansa bashi Albancija o Azir Aliu, thaj isi duj clenija taro Dvizenje Besa thaj Alternativa. Ko delo taro programa ka oven vkljucime em o Bekim Koku taro Samoopreleduvanje. Ov nane te ovel delo tari Vlada, nego ka ovel ki Parlamentarno grupa thaj ka ovel le oleskoro glaso sar prateniko, vakerga o Medziti ki eratutni « Top Tema » ki Televizija Telma.
Ov isto aghar pofalinga e Mickoski deka mashkar adava so dobinga 58 pratenikija alo ko Shtabi ko « VLEN » thaj adava oceninela le sar shukar pocetok em znako deka nane len i arogancija taro purano VMRO koga sine o Gruevski.
Medziti isto aghar vakerga deka ola tane bashi anibe ustavna izmene thaj akava puchibe achola TOP prioriteti.
– Akaja vlada ka ovel stabilno ka ovel la upreder 75 thaj 80 pratenikija. Ko Albancija nane dilema ko odnos bashi o ustavna promene, ama bizi i makedonsko zaednica, bizo adava te opredelinel em e VMRO-DPMNE kola isi len 58 pratenikija, adava nashti te terinel samo amari dobro volja. VMRO-DPMNE o isto isi len ki programa, ama ola darana deka ako akava da apsolvirinela pe ka ikljol neshto javer. Rodena garancije te na ikljol neshto javer posle akava. E Megjunarodno zaednicaja zaedno ka kera buti te dobina neve garancije em te na oven uslovija, ama achona top prioriteti koleske khuvaja ki akaja vlada koja tani evropsko orientirimi, vakerga o Medziti.
About Author
More Stories
8to April: I Romani Nacia Afirmirinela Piro Suvereniteti
Germanija glasinga: E Romenge o izbor tano jasno – borinen tumen ili nashavgjoven !
Nevi bi-bah ki Komuna Shuto Orizari: 17 bershengoro taro Kosovo vrdaja khuvgja duje ternen