octobre 31, 2020

24h Information

“You cannot help the Roma without the Roma.”

Komentari taro Zeljko Jovanovic bashi I nevi 10e bershengiri EU strategija

Plano pe 10 berša sine dendo avri avdives katar e Evropaki Komisia te del vast e romani komuniteta ande EU.Komentaro katar o Zeljko Jovanovic, direktoro katar i Putardi Societeta o Ofiso pal Romane IniciativeArakhljas mišto o plano thaj o eforto le Evropake Komisijako telal e Germaniaki EU Prezidencia, o Jovanovic phendjas kaj si jekh importanto signalo o bičhinavdo komitmento/ phandipe e EU karing o lačharipe le romane situacijako. Ama vi kadalasa, na si kadaja i solucija. » Kado kadro si jekh institucionalo godjaripe katar e strukturalo pharimata thaj rasismo andar savende nakhen e roma, ama kado na si dosta. Dikhljam and-i dekada kaj nakhli, sar na aresle te keren diferenca k-o lokalo nivelo, specialo ande relacija e EU prioritarno politikenca. » »I problema na-i i EU politika pal e roma, ama lake politike si i problema. E politikako teksto akana si maj lačho, maj barvalo thaj lel samate maj but arie de sar o angluno, ama i politikani struktura si sa kadja – ažukerel pes katar e nacionalo guvernurja te implementisaren thaj e EC kerel monitorizacija. Kadava modelo na kerdjas buki anglal thaj si man bare griže ke na si te kerel buki ni maj dur. »E guvernurja daran ke si te oven dikhle negativno kana mangen te den vast le Romen. But guvernurja na pokinde e love kaj sas lenge dine soske e političarja daranile ke xasaren e voturja. Vi kodola oficialo manuša kaj sas len lačhe gindurja daranile te den vast le romen, kana e ekstremisturja zorajlile ande verver riga le Evropake.Ande palutne 6 berša, maj but de sar 1.5 bilionurja evro sas šajutne vaš e guvernurja te pokinen vaš vulnerabilo grupe sar si e roma, ama samo 440 milionurja sas pokinde and-i EU thaj khonik na žanel kozom andar kadala love sas pokinde andar e roma. I korupcija kheldjas jekh baro rolo ande kadaja buki. Sa kadja, dikhljam ke e tikne thaj e čore regionurja thaj municipalitete, kaj živen maj but roma, na sas len šansa te len kadala fondurja. Si trin vašno bukja kaj šaj te keras te dašti anas jekh čačo paruvipe.Ande anglutni rig, o EU trebal te lel jekh maj aktivno rolo, na samo te kerel rekomandacije thaj monitoringo pal so trebal te keren e guvernurja. Ando kazo le Zeleno Evropako, sar eksemplo, i Komisia mobilizil o politikano kamipe thaj e privatno sektorurja, anel neve solucije, lel decizia centralo pal varesave fondurja thaj kerel reglementacija kaj trebal. Kodo si o rolo kaj trebal te lel vi ando kazo le romengo thaj te del varesave fondurja direkto k-o lokalno nivelo, avrjal kodola love kaj del ke guvernurja. Ande dujto rig, e EU politike thaj fondurja pal i rekuperacija trebal te len samate le romen ande jekh korekto modo, specialo ande informalo ekonomia, soske vi kana von si avdives e maj vulnerabilo ekonomikanes, i terni thaj i vibranto romani populacija inkerel o manušikano kapitalo vaš texara ande jekh phuri Evropa. Palutnes, e EU prioriteturja sar si i Zeleno Evropa, i digitalizacija trebal te len samate te na meken e romen avrjal thaj e EU politike pal o sekuriteto te arakhen e romen katar o terorismo le ekstremisturjengo kerindos monitorizacija thaj čhinindos lenge aktiviteturja thaj fondurjenge kanalurja.