septembre 28, 2022

24h Information

"Nashti uvek te slozina amen olencar, ponekad mora te ova protiv olende"

Koj tane o Finansisko podrzime Nevladina Organizacije taro vladina proektija, isi li rezultatija ?

Taro 2012to dzi ko 2021to bersh, sine financisko podrzime tari Makedonijakiri vlada nesave Nevladina organizacije kola so kerena buti upra ki Romani problematika, ko akava artiklo mangaja te sikava tumenge ko save proektija sine podrzime em dali isi ikavde rezultatija taro akala proektija.

2021 bersh o Romano Resursno Centar (RRC) kote soj tane Pretsedatelka i Ipek Usainova sine len 5 masekongoro proekti taro 600 000 denarija ili pa 10.000 euro, bashi podobribe o usluge ki palijativno nega preku unapredibe e veshtinenge e terne Romenge em lengoro vrabotibe ko vakti e Covid 19.

Ko 2020to bersh isto o Romano Resursno Centar RRC sine podrzime financisko tari vlada, bashi o proekti « Obrazovanie bashi o Romane uchenikija ko vakti taro Covid 19 o proekti sine 5 masek thaj 810 000 denarija ili pa 13 278 euro.

I Nevladino Organizacija « AMBRELA » isto aghar sine financisko podrzimi tari Vlada bashi o proekti Podrshka bashi o ranliva familije ko vakti taro Covid19, o proekti sine 6 masek thaj sine len 769 500 denarija ili pa 12 614 euro.

O Zdruzenie bashi perspektiva em razvoj « Roma Perspektiv Prilep » sine podrzime bashi o proekti te namalinel pe o bokhalipe, stres thaj obrazovna potrebe ko vakti taro Covid 19, o proekti sine 3 masek a dende finansije 484 875 denarija ili 7 948 euro.

O zdruzenie Romano kulturno em edukativno centar « TERNIPE » taro Delcevo, isto aghar sine podrzimo ko 2020to bersh « Podrshka e Romenge thaj o ranliva grupe ko vakti taro Covid 19 » o proekti sine 6 masek thaj iznesinga 678.123 denarija ili pa 11.116 euro.

Ko 2019 bersh isto aghar sine financisko podrzime Romane nevladine organizacije, i Asocijacija bashi demokratsko razvoj e Romengoro « Sonce » taro Tetovo sine podrzimi bashi o proekti « Tari akcija dzi ko ednakva pravija e Romengere » o proekti sine 6 masek a dende sine 599.519 denarija ili pa 9828 euro.

Ko 2016to bersh o Zdruzenije bashi razvoj e Romane zaednicake « Sumnal » sine podrzimo bashi o proekti « O lil tano amaro barvalipe » o proekti sine 6 masek a dendo sine 300.000 denarija ili pa pashe 5000 euro.

Isto aghar ko isto bersh o Zdruzenije bashi zashtita em edukacija e terne Romane chavenge « Romi Progres Skopje » sine podrzimi bashi o proekti « Borba protiv Korupcija » o proekti sine 8 masek em dende sine 300.000 denarija ili pashe 5.000 euro.

Ko 2015 bersh sine podrzimi isto o Zdruzenie « Romano Vas » taro Skopje ko proekti « Romano kreativno kampi » o proekti sine 7 masek thaj dende sine 300.000 denarija ili pa pashe 5.000 euro.

Ko isto bersh pale arakhaja o Zdruzenie « Sumnal » akava puti ko proekti « Shukar informacijaja dzi ko reshenie » o proekti sine 6 masek a dende finansije 300.000 denarija ili pashe 5.000 euro.

Ko 2014 bersh o Zdruzenie « AVENA » taro Kocani sine podrzimo bashi o proekti « Pendzaribaja o raznolikost podobribe o ednakvost » o proekti sine 6 masek thaj dendo sine 300.000 denarija ili pashe 5.000 euro.

O Zdruzenie « Sumnal » bashi o proekti « Gradinaja zaednicko evropsko idnina » sine 6 masek thaj dende sine 300.000 denarija ili pashe 5000 euro.

O Zdruzenie « Romano Vas » sine podrzimo 6 masek bashi o proekti « Obrazovanie, kljucho e chachipaske » thaj dende sine 300.000 denarija ili pashe 5000 euro.

Ko 2013 bersh o Zdruzenie « Sumnal » sine podrzimo 6 masek bashi o proekti « Meda mangava i Makedonija » ko iznos taro 300.000 denarija ili 5000 euro.

O Zdruzenie « MESECINA » taro Gostivar isto aghar kerga jek proekti « Cekor dzi ko zaednishtvo » o proekti sine 6 masek a dende sine 300.000 denarija ili pashe 5000 euro, inace Pretsedateli akale organizacijakoro sine o Rajo Muhamed Toci o aktuelno Drzavno Sekretari ki Pravda.

O zdruzenie « Ambrela » ko akava bersh Pretsedatelka sine i Ljatifa Sikovska, sine podrzimi ko proekti « Me sijum sovrshimo » 6 masek thaj dende sine 300.000 denarija ili pashe 5000 euro.

Ko 2012 bersh pale arakhaja o Zdruzenie « Sumnal » bashi o proekti kova so sine 6 masek « Pridones e Romengoro ki izgradba taro sovremeno makedonsko opshtestvo » dende sine 300.000 denarija ili pashe 5000 euro.

Akava tano jek delo taro Nevladina organizacije kola so kerena buti upra ki Romani Problematika, o puchibe tano dali shungen akale organizacijenge ? Dali akala Organizacije nudinge tumenge pomosh ko reshibe nesavo tumaro problemi ?

A pa ma te pucha, kaj tane o rezultatija taro proektija finansirime taro lengere DONATORIJA ?

Oja uvek ka pucha, « Kaj tane o rezultatija e zaednicake taro tumare PROEKTIJA? »

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds