O popis nakhla amenge angla ko nak, dikhindor deka sine amen baro nesposobnost te kheda e zaednica ko jek than te bi shaj iskazinena piro etnicko pripadnost, te ova ko pobaro procentualno broj te shaj vkhljucinaja amen ko sistemska reshenija ki drzava amare zaednicakere. O popis bistergem le astargem amen ko izborija kote celo koncentratcija chivgem la ki Shutka, mislindor deka i Shutka ka reshinel o institucionalna problemija e Romengere ki celo Severno Makedonija dzanindor deka amari glasacko sila sar Roma ki Shutka nane po bari taro 7000 glasacija, oja i Shutka i Vazno te achol vodimi taro Romano Gradonacalniko, ama odobor hari glasoncar ko mainstream partije nane amen nisavi vrednost.
Trebola nekoj te osvestinel pes em te kerel e zaednicake buti, te kreirinel pes Romani platforma bashi interesija e zaednicakere em te kerel pes pritisok upra ki drzava othe kote so sijem lenge potrebna, sar naprimer ko izveshtaj bashi unapredibe e Severno Makedonijakoro ki Evropakiri Unija kote soj tano pisihimo ko Izveshtaj:
Ogranicimo o napredok ko vkljucibe e Romen sine postignimo ko nakhlo bersh. Vkljuchibe e Romen strategija (2014 – 2020) nakhla, a i nevi panda nane spremno, mada i podgotovka pocminga bukjaja.
nane amen Ministeri bizo resor – leske ko than isi amen sovetniko ko Premieri bashi romane puchibna, kova so tano namalimi i moznost te shaj te vazdel pes o puchibe e Romengoro diskutirime ki Vlada. Implementacija e strategijakiri soodvetno akcisko planencar bashi obrazovanie, vrabotuvanje, domuvanje thaj sastipe tane necelosna.
Panda but javera preporake isi tari Evropakiri Komisija kola tane vitalna e Severno Makedonijake ako mangela te chivel po pro ki Evropsko Familija, Adaleske trebola shuze solidna Romane Strategije te keren pes sar te ana e Vlada SDSM dali VMRO te del amen amare pravija te shaj lenge da lokharaja o doblizibe dzi ki EU, thaj akana tano o momenti amen te koristina e drzava sar zaednica kote ola mora te den amen amare pravija te bi shaj dobinena pozitivno izveshtaj tari EK.
Ama koj ka pocminel kandidatija isi li ?
More Stories
O Romane glasacija borinena pe protiv i mreža e korupcijakiri, simbolika thaj Rasizam: Itno appel bashi cachutni sistemsko promena ki Bugarija
Palo dendo propozalo taro Netvorko sistemsko faisalenge suportime si i Incijativa bašo formiribe Romani platforma ko sasoitno pozicioniriba ko procesi bašo pregovoria ko membripa an i EU
Mensur Haliti: O priznajbe taro Holokaust upra ko Roma, mora te ovel phanlo olengere napredokoja