Ko Lokalna izborija pale li ka koncentririna amari energija samo ki Sutka ?

Panda nekozom masekija ka pocminen o kampanje bashi o Lokalna izborija ki Republika Severno Makedonija, kote sar sekola izborija i naj bari koncentracija tani koj ka vodinel i Opshtina ki Shuto Orizari.

Akala da izborija ka oven but Romane kandidatija bashi adava than, kote so isi riziko te podelinen pes o Romane glasija pa shaj ko dujto krugo te arakhljol Romano kandidati thaj Kandidati tari javer nacionalno zaednica, sar so isi amen vec informacije dzi akana pretendentija bashi adava than ili pa kandidatija ka oven :

O aktuelno gradonacalniko o Kurto Dudush Kuco

O Presedateli taro Oshtinsko Ogranok SDSM Asan Ferat

O Presedateli tari NPR o Gege Demirovski ili pa o Demir Ismail Demo

O Presedateli taro Opshtinsko Komiteti taro VMRO o Erdjan Demir

Neoficijalno adzikerela pes te oven em kandidatija taro :

PCER, DSR, OPER em shaj tari Partija ROM em isto aghar shungona shpekulacija bashi Romane nezavisna kandidatija.

Adaleja so ka akala da Lokalna izborija ka ovel potroshimi energija ki jek opshtina kote so dzanaja deka but lokheste shaj ovela amen Romano Gradonacalniko.

Dali nekoj razmislinga taro adava i energija te chivel pes em isto aghar ko okola da Mahale kote so zivinena o Roma ko javerada gradija, ok ajde nashti ikavaja gradonacalnikija ko adala javera Mahale, ama shaj bare te potrudinen pes amare Romane Politicka partije ili Liderija te keren Sovetnicka liste taro pumare partije pa te shaj o Romane glasija taro adala mahale te anen po nesavo sovetniko ki adaja Opshtina.

Isi panda vreme te razmislinen sar Romane politicka partije dzi ko izborija te dikha o javera da mahale a na samo i Sutka, posle ma te vakeren  » E pa nikoj na penga amenge » dzanaja deka ko javera da mahale isi amen romane glasacija savencar falinena tumen ko parlamentarna izborija, pa adaleske koristinen tumare glasacen te anen romane sovetnikija ko adala mahale kaj so zivinena.

Nane sammo i Sutka kote so zivinena o Roma, em i Sutka nane Mina barvalipaske.

andrijano

See author's posts