mai 15, 2021

24h Information

“You cannot help the Roma without the Roma.”

Intervju e Romencar tari Dijaspora Robert Möller

Sar so sine tumen shajsarin akala dive ko Roma News te citinen amare intervju e Romencar tari Dijaspora, avdije amaro Misafiri bashi Intervju tano o Rajo Robert Möller tari Germanija kova so kerela buti sar Medicinsko Psyhiatricko Terapeut ki Germansko Bolnica thaj potpresedateli ko Roma Integracions Zentrum.

RN: Shukar dive em ov sasto so prifatingan te ove amenge misafiri.

RM: Oven saste tumenda sar redakcija, so dena amen moznost te shaj amenda sar Roma tari Dijaspora te vakera amaro mislenje.

RN: Kozom bersh sar sijen avrik tari Makedonija odnosno zivinena ki Germanija?

RM: Me zivinava thaj kerava buti ki Germanija vec 30 bersh

RN: Rajo, Tu isto sijan Romano aktivisti, sijan potpresedatel ki jek Organizacija so kerela buti e Romenge ki severno rajna vestfalija, shaj li te vakeren amenge hari pobuter taro adava?

RM: Amen kergem jek organizija RIZ, adaleja pokushinaja e Romen soj taro balkan, pokushinaja te da len jek pravco ko dzivdipe, dali pravno dali instituacionalno mangaja te pomozina len.

RN: Ka ovel popis ki Makedonija thaj i Dijaspora shaj te popishinel pes, sar dikhen tumen te pomozinen?

RM: Amen sar Organizacija kergem jek strategija, sar shaj te pridonesina te shaj te motivirina amare Romen te ucestvinen ko Popis thaj ko jek te vazda i Romani politicko svest.

RN: Sar shaj motivirinaja e Romen ki Dijaspora te popishinen pes sar Roma?

RM: Me mislinava deka ki Dijaspora nane te ovel problemi, soske o proces ka ovel online, aghar so sekoj jek shaj kheraldan te popishinel pes, nikoj nane te dikhel len, nane te dzan fizicko te popishinen pes kote primer o jabera ka dikhen len pa ka ladzan.

RN: Dali trebola te ova povishe aktivna sar Dijaspora, ki Politika koj so kreairinela pes e Romenge?

RM: Fakti tano, amen te shaj pridonesinaja ko kreiribe politike e Romenge, adaleja so amenda sijem delo taro Romanipe, te ova Zastapime ko pobaro nivo, soske but sijem ko individualno nivo, trebola povishe te ova ko kolektivno nivo te shaj zaedno dzaja anglal.

RN: Roma News

RM: Robert Möller

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds