Ko Avdisutno intervju misafiri amenge o Almir Sali, Rom tari Makedonija a dzivdinela ki Svedska.
RN: Shukar Dive dali shaj te prestavine tut amenge ?
AS: Shukar dive me sijum o Almir Sali, bijamo ki Makedonija momentalno zivinava ki Svedska zenimo em isi man 3 chave.
RN: Ko savo gradi zivineja ki Svedska?
AS: Me zivinava momentalno ko Norrköping, kote so za zal nane baro broj taro makedonijakere Roma ama isi baro broj Roma tari EX YU.
RN: So znacinenla tuke o Popis em leskoro vaznost?
AS: Iskreno ko nakhlo popis, amen o roma na dikhlem baro korist, ama akava popis tano bitno amenge e Romenge soske akaleja shaj vazdaja o svest e Romengoro a em e javere zaednicengoro kote shaj sikavaja kozom sijem em adava tano ko korist celo zaednicake.
RN: A tuke sar Rom so zivineja ki dijaspora so znacaj isi le akava Popis ?
AS: Dik iskreno, me sijum panda terno ama mislinava deka ko baro znacaj amenge tari dijaspora tano o popis, soske amen investirinaja ki Makedonija isi amen familije em ko jek but dzene dikhena po phuripe ki Makedonija, so ko penzionersko vreme shaj te irana amen em te zivinava ki amari Makedonija.
RN: Sar dikheja i motivacija ko Roma?
AS: Keda bi kerava iskreno lafi, momentalno naj bari motivacija trebola te den o nevladina organizacije a em o politicka partije bizo te vazden pumaro ego. Amen o roma mangaja te dobina cinija koj zasluzno no momemntalno nane o vreme te la amenge cinija nego trebola te kheda e zaednica.
RN: So shaj amen sar roma te dobina taro akava Popis?
AS: Mislinava i diskriminacija shaj peravaja la, bare adava za pocetok. nane te den amen od pile mleko ama ka dobina nesto poshukar.
RN: Kova tano to appel dzi ko Roma ?
AS: Isi man amala kola panda na prestavinena pes sar Roma, adava i jek opasno buti sosker amen mora te ova patriotija e zaednicake, ma te ladza so sijem shaj keraja prestvrt, na odma no trebola te dikha i Idnina shaj jek dive ka ova jek bari nacija. Adaleske vaker ko vreme deka sijan Rom to identiteti tano vazno tuke, mange em sarinenge.
RN: Roma News
AS: Almir Sali
About Author
More Stories
Mickoski, « PING-PONG » politika kereja e Romencar !
Medziti: O Ustavna izmene achona prioriteti, ama e megjunarodno zaednicaja ka kera buti te dobina neve garancije
Romani Chib: Purt dzi ko amaro avutnipaskoro jekhipe ko podelimo sveto