janvier 27, 2023

24h Information

"Nashti uvek te slozina amen olencar, ponekad mora te ova protiv olende"

Dali o Chupi tano o manush kova ka spasinel e Romengiri politika ko naredna bersha ?

Bershencar na palal rodaja, borinaja amen , falinaja amen deka vodinena ola i naj shukar politika ki Severno Makedonija.

30 bersh mutno slika, nisavi politicko inkluzivnost, nisavi politicko hrabrost (osven o rajo Amdi Bajram), avrijal taro politikakoro sistemi, samo selfija em pofalbe deka dikhle pes ili pa o gadze khuvge len ko pike.

Te shuna len em te chitina len ko socijalna mreze ola tane o manusha kova sa kerge e Romane zaednicake, savo iskustvo em kapaciteti isi len steknimo osven piro licno ?

Ajde te pishina hari pozitivno optimisticko, DOSTA sine taro adava na kerga peske dikhlja, ako ov na kerge em peske dikhlja shaj amen adava dozvolingam;

Akana isi amen adava Kadar so rodaja le sine bershencar manusha so zavrshinge uchoo obrazovanie, fakultetija magistrature, manusha kola sine ko vladin em ne-vladin sektor ko nacionalna em megju narodna organizacije.

Manusha kola kerge raznno vidna obuke thaj seminarija, kola siklile (nadinaja amen) taro gadze kola so sikavge len razna veshtine, pa dali akana adava so siklile trebola te iranen pire zaednicake ?

Adala lafija ko piro intervju bashi Roma index vakergan len o Redjepali Chupi, « Uchin, sikljov em iran tire zaednicake »

Redjepali Chupi, chavo karaktereja smirimo (sabrlija) kova tano bijamo ko Gostivar, uchingja thaj but bersha zivinela ko Skopje, pochitujmi em respektirimo taro sa adala kola so dzanena le thaj dikhena le sar esnafi manush shukar patriotsko duhoja.

Adaleske da puchaja amen: Dali o Chupi tano o manush kova ka spasinel e Romengiri politika ko naredna bersha ?

Ko but ulicakere, familijarna, partiska, organizaciska, socijalno mrezakere thaj Romane meduimengere diskusije tane o lafija « Trebola amen manush harismaja, uchimo, familijarno (domakini), patrioti em soj naj vazno dzando (kapaciteteja) kova trebola te lel o liderstvo e Romane politikakoro.

Chupi isi le sa akala kvalitetija pocminga sar studenti te kerel butii ko nevladin sektor, palo adava ukljucinga pes e Partijake SRM (kote siklilo baro iskustvo sar pashe manush e Amdi Bajrameske), sine Pretsedateli e ternengoro taro SRM, ko 2008 bersh sine naznacimo thaj hrabro prifatinga o mandati Direktori ki uprava bashi obrazovanije e zaednicengere ko Ministerstvo bashi obrazovanie thaj nauke, kote so ki adaja uprava mikhla trago dzi avdije o Romane studentija thaj uchenikija taro sredna shkole te dobinen specijalno stipendija sar Romani zaednica e drzavakere budzetestar;

Momentalnno tano ko-direktori ko REF (Roma Education Fund) thaj direktori ko REF Srbija em Ref Makedonija, kote so isi le misija te chivel piri vizija thaj cel ki akaja institucija.

Palo o REF dali o Chupi tano manush kova ka spasinel e Romengiri politika ko naredna bersha ?

Ako rodaja sa o upre pishime osobine, mislinaja deka o teren tano panda chikalo te shaj asavko jek manush te khuvel ko akala melale pajna, ama nadinaja amen deka sar so osetinaja leskoro angazmani e Romane zaednicake, sigurno nane te dzal but dur te dikha akale manushe ki Politika ki smisla politika koja so ka pridonesinel pire zaednicake em ka ukljucinel hrabro e Romen ko politicko sistemi, so dzi akana o javera chave em chija taro asavke osobine ( uchime, kvalitetna, iskustvo taro ngo etc) panda nane len hrabrost te khuvnen ki cachutni scena ki bina e Romane politicko re(evolucijake), tari licno komocija ili pa na mangena te pharaven po shero e ajkulencar kola so dzi akana vodinena i mutno politika ?

Sar so vakerela o Chupi keda kerena leja lafi , bilo save bukjake « Ako i pishimo taro allah te ovel, onda mora te ovel »

Chupi i Romani zaednica molinela tire allahe adavate ovel.

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds