Havlaribe tari « AVAJA » bashi o Popis 2021, Sekoj te ovel popishimo ki pire dajakiri chib

I Gragjansko inicijativa AVAJA bichavga Havlaribe dzi ki amari readacija

O dvizenje AVAJA informirinela deka postojano pratinela o proces bashi o sprovedibe o popis, potsetinkerena deka sekova jek dizutno isi le pravo te rodel te ovel popishimo ki piri dajakiri chib (Romani) so znacinela te rodel popishuvaci Rom ili Romani, em te rodel uvid ko dende podatke. Istakninena deka o uvid ko dende podatke racuninela pes mozno thaj pravo e dizutnengoro te bi shaj izbegninena pes eventualna manipulacije ko popis thaj bichavena poraka dzi ko nadlezna institucije te na dozvolinen nisave manipulacije ko teren upra ki Romani zaednica.

O popis tano procesi kova ka sikavel kozom o Roma tane slobodna te iskazinen piri etnicko pripadnost thaj kozom i drzava obezbedinga uslovija bashi sprecibe manipulacije upra ki Romani zaednica.

Isto aghar, rodena taro javera etnicka zaednice te chinaven preku pire politicka prestavnikija thaj javna licnostija te keren pritisok upra ki Romani zaednica ko istocno delo e drzavakoro, kola so manipulirinena e Romane zaednica ko sekola izborija, a akana kerena pritisok nizo palo adava te podobrinen i situacija e Romengiri ko posledna 30 bersh.

Avaja ko piro buti keribe preku piri metodologija veke isi len racunimi i celosno brojka e Romengiri ko nacionalno thaj ko lokalno nivo. Dzi kote o broj e oficijalno registririme Romengiri ko Popis tani znacajno potikni tari cachutno broj e Romengoro ki drzava, sar zaednica ka ova chivde te bojkotirina o nerealna rezultatija taro popis. Adaleske povikujnena te arakhel pes o integriteti e popiseskoro thaj te na manipulirinel pes e Romane zaednicaja, nego sekova poedinco te koristinel po pravo bashi slobodno vakeribe piri etnicko pripadnost sar ustavno zagarantirimo pravo bizo te ovel manipulirimo.

andrijano

See author's posts