janvier 21, 2022

24h Information

"Nashti uvek te slozina amen olencar, ponekad mora te ova protiv olende"

E soske na funkcionirinena o Romane partije

E soske na funkcionirinena o Romane partije, puchibe kova so puchaja amen sar zaednica skoro sekova dive, keda dzaja ki nesavi institucija ili pa keda dikhaja Gadzikane medie so informirinena taro javera partije (na romane).

Po pravilno sekoja jek partija isi la plo Status, programa, strategija em vizija, ama sar so dikhaja dzi akana amare politicka partije isi len samo cuche lafija em iluzija angla ko izborija keda trebela te kheden amen te glasina olenge bashi lengere privilegije, palo izborija oven magionicarija em nashavgona taro teren.

Ni jek politicko partija avrijal taro izborna kampanje nane tani pashe e romane zaednicaja, te shunen lengere sekole diveskere problemija, te probinen te arakhen politicko ili pravno (sa tane kobajagi so visoko obrazovanie) reshenie, i Romani zaednica isi la sekova dive problemija kola so korkori na dzanena te reshinen len, pravilno trebola tumen (o politicka partije) te pomozinen len.

Avri taro izborija nane tumen nisavi strategija, plani bashi sar te lobirinen o reshibe delo tari Romani Problematika, nane i buti te oven chuche prestavnikija, i buti tani te oven manusha kola arakhena reshenie bashi Romani Problematika.

Sar poziciringen tumen ki aktuelno politicko kriza ki Severno Makedonija ?

Zivinaja ko 21to veko, amare Roma ko opshtine panda kerena piri potreba ki septicko jama, nane len soodvetno uslovija bashi licno higiena.

Energetsko kriza, skuponela i struja, sar amare Roma ka nakhaven o jevend ?

Nevi mutacija e corona viruseske, sar ka zastitinel pes amari zaednica ?

Nepravicno zastapenost e Romengiri, sar ka keren o ustav em o zakon te pocitujnel pes ?

Ne soodvetna (tumare manushen) chivgen ko pozicije, sar dikhena i romani nepravda kerdi taro Roma e romenge ?

Ka ikljoven li konkretno ponudencar, planencar thaj straregijaja (poshto nane tumen programe) te reshinen bare 1 problemi e Romengoro taro zdravstvo, obrazovanie, socijala, domuvanje em panda X javera problemija ?

Oven ko nivo tumare lafi keribaske ma oven Mecke te dzan ko zimski son ili pa lisice te dikhen tumaro interes, soske o Roma dzanena te kazninen.

Amalikane thaj konstruktivno taro tumaro amal Andrijano Dzeladin

Keren Follow amari Facebook Strana Roma News

Keren Like em Follow ki amari facebook Strana Oven Saste


This will close in 30 seconds