⭕ Keda puchaja kaj o rezultatija tari lengiri buti holjanena !

Keda puchaja len sar medium, « Kaj tane o rezultatija » ola holjanena odma phenena deka napadinaja len.

Nekozom bersha na palal povishe Romane thaj gadzikane nevladina organizacije kerge buti upra ko akava problemi e manushencar bizo dokumentija ili pa aghar anavkerde  » FANTOMIJA  » bare proektija sine lende interesno sumencar te shaj prvo locirinena e manushen zavedinena len pa palo adava te keren izvestajija te shaj o zakoni bashi o manusha bizo maticen broj te oven registririme ki Republika Severno Makedonija.

Anglo nekozom dive nakhla i dujnaja jek terno Romano chavo tari Opshtina Shuto Orizari, kova so mulo sar so isi amen informacije tari prirodna smrt, ama dikhindor ko Fb deka but dzene pofalinge le sar intelegentno thaj uspeshno chavo koo piro skoluvanje odlicno uceniko, ki krajka iklilo deka na sine le nisavo licno dokumenti pa cak sto vise deka nasti lela pes leske posmrtnica, leskoro meribe vazdinga pale o puchibe ki Romani zaednica, soske panda nane reshimo o problemi adale 700 Romencar soj tane bizo dokumentacija ?

Epa adaleske amen i ponadariga ka roda taro odgovorna NGO o rezultatija taro lende proektija bashi akaja problematika soske posle o anibe da o zakoni panda nasti reshinela pes akava problemi, na smijnena te puchen ili na dena amen pale o gadze ili o Glavno Direktori ko Maticno na dozvolinela te resinel pes akava problemi ?

Ko naredno periodi amen sar Roma News Media Network ka chiva tumen odgovorna angla tumaro buti keribe thaj te den amen odgovorija  » Soske nane panda reshimo o problemi akale manushencar ? »

Nane tumen vishe finansirime Proektija li ?

About Author

andrijano

See author's posts